Bio Kult – góðgerlar fyrir alla fjölskylduna
Í líkama okkar fyrirfinnast milljarðar af bakteríum og örverum sem í daglegu tali eru nefndar þarmaflóra. Þær sem eru okkur vinveittar spila mikilvægt hlutverk þegar kemur að vörnum líkamans, hvort sem um er að ræða skilvirka meltingu eða öflugt ónæmiskerfi.

Fjölmargar rannsóknir eru til sem hafa sýnt fram á kosti þess að taka inn Bio-Kult gegn hinum ýmsu kvillum. Til dæmis hefur verið hægt að draga úr einkennum barnaexems, laga hægðir hvort sem um harðlífi eða niðurgang er að ræða, minnka ristilkrampa og bæta lifrarstarfsemi sjúklinga með (non-Alcoholic) fitulifur. Bio-Kult vörurnar hafa verið framleiddar með tilliti til þessara einkenna m.a. og hefur hver vara sitt sérkenni.

ADM Protexin – framleiðandi Bio-Kult leggja ríka áherslu á að framleiða nýstárlegar vörur í hæsta gæðaflokki – byggðar á vísindalegum rannsóknum. Framúrskarandi reynsla þeirra af framleiðslu á vörum úr lifandi örverum í meira en 25 ár ásamt sterkri gæðastýringu og vottun setur þá í fremstu röð.

Það skiptir þá öllu máli að hafa öflugt gæðaeftirlit og er það útfært og viðhaldið af þeirra eigin teymi, stutt af örverufræðingi fyrirtækisins og óháðum ISO 17025: 2005 viðurkenndum örverufræðilegum og greiningarrannsóknarstofum.  Þar eru framkvæmdar greiningar á hráefni þeirra sem og fullunnum vörum. Greiningarvottorð eru unnin fyrir hverja vöruframleiðslu og eru fáanleg ef óskað er eftir þeim.

Þarmaflóran samanstendur af meira en 1000 tegundum örvera sem vega hátt í 2 kíló.  Hún gegnir gríðarlega mikilvægu hlutverki þegar kemur að heilsufari okkar, hvort sem um er að ræða líkamlega eða andlega heilsu.

Þegar þarmaflóran (örveruflóran) í meltingarveginum verður fyrir hnjaski og það kemst ójafnvægi þar á, koma fram óþægindi sem geta verið af ýmsum toga.  Þetta er t.d. :

• Uppþemba
• Brjóstsviði
• Harðlífi/niðurgangur
• Sveppasýkingar
• Blöðrubólga
• Ristilkrampar
• Iðraólga (IBS)

Það er ýmislegt sem getur valdið ójafnvægi á þarmaflórunni þannig að við finnum fyrir fyrir því. Slæmt mataræði hefur mikil áhrif og eins og alltaf þá eru unnin matvæli og sykur þar fremst í flokki. Lyf eins og sýklalyf, sýrubindandi lyf og gigtarlyf eru slæm fyrir þarmaflóruna og svo getur streita einnig haft alvarlegar afleiðingar í þörmunum, eins og víða annarsstaðar í líkamanum.